കുറച്ചു നാളുകള്ക്കു മുന്പ് ഞാന് വീട്ടില് പോകാനായി ബാംഗ്ലൂര് കൃഷ്ണരാജ പുരം റെയില്വേ സ്റ്റേഷനില് ഇരിക്കുമ്പോള് അടുത്ത് ഒരു മധ്യവയസ്കന് വന്നിരുന്നു.അയാള് എന്നെ തലങ്ങും വിലങ്ങും നോക്കി ; പിന്നീട് പ്രസ്താവിച്ചു " ഐ ടി " ആണെല്ലേ ?. അതെ എന്ന് ഞാന് തിരിച്ചു പ്രസ്താവിച്ചു. പിന്നീട് വീടും കൂടും തുടങ്ങി ജാതി വരി അയാള് ചോതിച്ചറിഞ്ഞു.
ബാംഗ്ലൂര് മുതലായ നഗരങ്ങളിലെ മൂല്യ ശോഷണം,നാടിന്റെ മഹത്വം,സാഹിത്യം തുടങ്ങിയ വിഷയങ്ങളില് അയാള് എന്നിക്ക് കുറെ ക്ലാസ്സ് എടുത്തു.ഒരുപാടു വായിച്ചിട്ടുള്ള ആമനുഷ്യനെ പറ്റി മതിപ്പു തോന്നി.അയാളുടെ മക്കളെ "നാടന് "രീതിയില് വളര്ത്തിയതില് ഉള്ള ഗര്വും അദ്ദേഹം പ്രകടിപ്പിക്കുന്നുണ്ടായിരുന്നു.
സാമാന്യ നീതിക്ക് ഞാന് ഒരു ചോദ്യം ചോദിച്ചു.താങ്ങളുടെ വീടെവിടയാണ്?.തൃശ്ശൂര് അടുത്ത് ;പുന്നയൂര്കുളം പറഞ്ഞാല് അറിയില്ലാരിക്കും!
അറിയാം! ഞാന് പറഞ്ഞു.എങ്ങിനെ ? കൌതുകത്തോടെ അയാളുടെ കണ്ണുകള് വിടര്ന്നു.ബാലാമണിയമ്മയുടെ സ്ഥലമല്ലേ? ഞാന് ചോദിച്ചു! അയാള് ഞെട്ടി.പക്ഷെ അത് എന്തിനാണെന്ന് എനിക്ക് മനസ്സിലായില്ല.
ഒരു പക്ഷെ ഞാന് കമലാദാസിന്റെ നാടല്ലെ എന്ന് ചോദിക്കാത്തത് കൊണ്ടാവാം അല്ലങ്കില് ഞാന് "ഐ ടി " ആയതു കൊണ്ടാവാം. ഞാന് കരുതി.പക്ഷെ അയാള് എന്നെ ഞെട്ടിച്ചു.
അതാരാണ്?...അയാള് ചോദിച്ചു.
ദുഖത്തോടെ ഞാന് തല താഴ്ത്തി!
Saturday, May 30, 2009
Subscribe to:
Posts (Atom)